رواية العشق والقدر الفصل الحادي والثلاثون31 بقلم ليلى هشام
رواية العشق والقدر الجزء الحادي والثلاثون
رواية العشق والقدر البارت الحادي والثلاثون
رواية العشق والقدر الحلقة الحادية والثلاثون
نزل رعد من العربيه وكان في قمة شياكته وأناقته بداية من بدلته السوداء الفخمه وقميص أبيض وكرافاته سوداء واخيرا وليس اخرا ريحة برفانه الي ملت الشارع كله نزل رعد وكان معاه بوكيه ورد احمر كبير
عمر نزل وكان شايل علبة شوكولاته سويسريه فخمه وهو كمان كان شكله شيك جدا.
أما ملك نزلت وكانت لابسه بدله نسائيه من اللون الاسود كان شكلها رقيق جدا
طلعوا هما التلاته وخبطوا علي الباب بعد ثواني كانت اسيل بتفتح وعلي وشها ابتسامه.
اسيل:اهلا وسهلا بيكم اتفضلوا.
رعد دخل:ازيك يا اسيل.
اسيل: الحمدالله.
دخلت ملك وسلمت علي اسيل.
واخيرا عمر الي قرب علي اسيل بابتسامه جذابه:ازيك يا اسيل.
اسيل بخجل: الحمدالله…. اتفضل.
دخلوا كلهم وقعدوا في الصالون وفريد طلع وبعد السلامات و الترحاب رعد كان قاعد وكانت عينيه بتدور علي حياة في المكان كله لغاية لما طلعت وفي أيدها مشروبات حتطها علي الطرابيزه بخجل وتوتر من نظراته وقعدت جنب باباها ومامتها واسيل رعد اخد نفس واتكلم.
رعد:طبعا كلنا عارفين احنا متجمعين ليه النهارده انا يا عمي طالب منك ايد حياة حضرتك قولت اي.
فريد بود:يسعدني ويشرفني يا ابني وعلي فكره يا رعد انا سألت عليك وكلفت كام واحد من صحابي يسأل عليك دي الأصول يا بني والأصول ماتزعلش علشان اكون عارف انا بدي بنتي لمين.
رعد بتفهم:حقك طبعا يا عمي بس انا برضو ماسمعتش رأيك.
فريد:رأيي قولتوا اول ما شفتك يا رعد
لأن اول مره شوفتك فيها كأني كنت شايف ابوك الله يرحمه نفس هيبته وطلته ووشه المنور ولما سألت عليك والناس قالولي انت قد اي جدع وطيب وكريم وشغلك نضيف مش زي رجال الأعمال الفاسدين قلت لا ده راجل اقدر اءتمنه علي بنتي انا شخصيا موافق بس راي نشوف رأي العروسه اي(فريد بص لحياة الي اتفاجأت بتصرف باباها ده لأنها كانت مش نقصه خجل)
فريد بابتسامه:ها اي رأيك يا حياة؟
حياة بخجل وتوتر:اي اه الي الي حضرتك تشوفه يا بابا.
الكل ابتسم علي كسوف حياة وتوترها الي ظاهر.
ملك بابتسامه:متكسفهاش بقي يا عموا.
عمر:ها نقرا الفاتحه بقي.
فريد:لسه مجاش أوانها يا بني.
عمر:لسه في أي تاني حضرتك موافقه والعروسه موافقه اي بقي الي ناقص.
رعد:مش ناخد رأي ام العروسه.
مني:الي يشوفه ابو حياة انا موافقه عليه وبعدين انا الاقي فين شاب زي الورد كده عريس لبنتي.
عمر بمرح:يا بخت من حماته راضيه عنه يا سي رعد.
الكل ضحك علي مرح عمر وفريد بص لرعد واتكلم بجديه:انا عاوزك توعدني يا رعد يابني انك تاخد بالك من حياة وتحطها في عينيك وتتقي ربنا فيها وتعاملها بما يرضي الله.
رعد ابتسم:اوعدك يا عمي هحطها في عنيا وفي قلبي.
حياة انكسفت جدا.
رعد:اسمحلي يا عمي انا عاوز كتب كتاب علي طول.
فريد:وانته مستعجل ليه يابني خلو في فترة خطوبه تقدروا تتعرفو علي بعض.
رعد:اولا انا مش محتاج اتعرف علي حياة اكتر من كده ثانيا انا عاوز يكون في كتب كتاب علشان اقدر أخرج معاها براحتي واجي هنا واشوفها براحتي وماحسش ان انا متكتف وكمان انا يعني لو حبيت امسك أيدها يكون في الحلال ومكتوب كتابنا الخطوبه دي مسأله شكليه مش اكتر.
فريد باقتناع:وانا موافق يا بني.
رعد:حيث كده احنا ممكن نعمل كتب الكتاب والشبكه الاسبوع الجاي.
فريد:واهو كذالك نقرا الفاتحه.
الكل رفع أيده علشان يقروا الفاتحه ورعد كان بيبص لحياة بحب ظاهر وهي ابتسمت وعمر بص لاسيل وهي لاحظت ده خلصوا كلهم.
اسيل:بابا ممكن ازغرط.
فريد ضحك: زغرطي يا مجنونه.
اسيل: لووووووووووووووووووولي.
مني:ألف مبروك يا ولاد يلا بقي اتفضلوا ناكل لقمه سوا.
قامو كلهم وقعدوا علي السفره وشرعوا في الاكل.
في مكتب ملك كان قاعد كريم ونور.
كريم:هي ملك مجاتش ليه النهارده يا نور؟
نور:اصلهم راحو يخطبوا لرعد.
كريم:بجد.
في وسط وهما قاعدين دخل احمد.
احمد:مساء الخير.
كريم بصله ومردش بس نور ردت وراحت سلمت عليه.
نور: مساء النور ازي حضرتك يا استاذ احمد.
احمد: الحمدلله بقولك يا انسه نور هي ملك فين؟
نور:ملك مجاتش النهارده اصلها راحت مع رعد علشان يخطبولو.
احمد سرح شويه:تمام يا انسه نور متشكر جدا.
مشي احمد نور بصت لكريم لقت عينيه بتطلع شرار اتغاظت أنه متدايق وغيران
علي ملك قامت هديت وراحتله.
نور:بقولك اي يا كريم احنا كده خلصنا شغل النهارده اي رأيك نخرج واوديك مكان تحفه.
كريم بلامبالاه:ماشي اي حاجه.
نور فطت اخدت شنتطها ونزلوا.
في منزل فريد الالفي الجميع كلو وشربو وحلو وهزرو وقامو علشان يمشوا عمر وملك نزلو العربيه وحياة وصلت رعد لبره باب الشقه وبصو لبعض بحب وشوق وغرام.
رعد بحب:هتيجي بكره الشركه.
حياة:اه هاجي كفاية ماجتش امبارح والنهارده.
رعد:مايهمكيش انتي هاتبقي مرات صاحب الشركه يعني مايهمكيش حاجه ابدا.
حياة ابتسمت علي كلمت مراته ومعلقتش.
رعد قرب وهمس في أذنه:كنت عاوز اقولك مبروك بس قولت أجلها لما تبقي مراتي وعلي ذمتي علشان اعرف اقولها لك براحتي.
حياة بصتله بحب ومعرفتش تنزل عينيها عنه هو ابتسم ليها.
رعد:سلام هشوفك بكره.
حياة:انشاء الله سلام.
رعد:سلام.
وقفت عربية كريم ونزل منها كريم وهو متفاجئ من المكان.
كريم بدهشه:اي ده؟
نور:حاسه اني عندي طاقه عاوزه أخرجها قولت تيجي معايا وبالمره تجدد طاقتك علي فكره انا مش اول مره اجي انا باجي كتير جدا.
كريم بضحك:ملاهي يا طفله.
نور بتكشيرة طفوليه:اه وإذا كان عجبك بقي يلا بقي خلينا نعيش سننا.
كريم:مجنونه.
نور شدت أيده ودخلوا يلعبوا ويعيشوا سنهم.
(اظاهر كده أن في حكايه جديده هاتبتدي)
احمد دخل البيت وقابله سالم أبوه.
سالم: يعني لسه مانفذتش يا احمد.
احمد:انا كنت رايح وناوي انفذ النهارده بس لسوء حظي أن رعد بيخطب واخواته اكيد معاه.
سالم بسخرية:رعد بيخطب وانشاء الله ناوي يتجوز ويخلف عيل يورثه وانته لسه بتقولي مانفذتش.
احمد انفجر:حرام عليك بقي يا اخي ما تسيبني في حالي وتسبهم هما كمان في حالهم مش كفاية موت امي بحسرتها من عمايلك دي عاوز اي بقي كفاية.
احمد طلع علي اوضته.
سالم عينيه كلها شر:انا كنت عارف انك مش هتنفذ بس وديني وايماني لأكون قاتلك يا رعد وواخد حقي منك وحارق قلبك واحسرك علي حبيبة القلب يا سي احمد.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
تم
تم تم تم تم تم تم